Coronavirusari buruzko informazioa (COVID-19)

Azken osasun gomendioak jarraituz, Donostiako turismo bulegoak aldi baterako itxita egongo dira. Telefonoz, posta elektronikoz eta WhatsApp bidez erantzungo dira eskakizunak astelehenetik ostiralera, 09:00etatik 17:00etara.

Era berean, Donostia Turismoko online dendan eskaintzen diren jarduerak aldi baterako eten egingo dira. Beste baliabide turistiko, ostatu eta jatetxeetarako, beraien webguneak kontsultatzea gomendatzen dizuegu.

Gomendio orokorrak

Turismo sektorearentzako gomendioak

Eusko Jaurlaritzako Turismo Sailak coronavirusaren aurrean turismo eta ostalaritza sektorerako jardun-protokolo berezia aurkeztu du, Ministerioarekin eta Eusko Jaurlaritzako Osasun Sailarekin koordinatuta.

Protokoloak hainbat gomendio eta jardunbide egoki azaltzen ditu: neurri higienikoak, profesionalentzako garbiketa-neurriak, ostatuentzako gomendioak, berrogeialdi-kasuetarako jardunak, komunikazioaren kudeaketa, garraioarekin lotutako gomendioak, bidaiak bertan behera uzteko edo aldatzeko aukerak etab.

 Helburua da, ahal den neurrian, turismoaren sektoreko enpresen eta erabiltzaileen posizioak bateratzen dituzten jardunbide egokiak bultzatzea. Epe luzerako ikuspegiarekin, komenigarria litzateke kontratuak ebazteko edo aldatzeko adostutako formulak bilatzea, bertan behera uzteko baldintzak malguagoak izan daitezen edo kontratatutako zerbitzuak atzeratzeko aukera eskainiz.

X