Donostia Turismoa, turismoaren garapen jasangarriarekin konprometituta

Donostia Green Destination

green decalogo

Turismo jasangarriaren aldeko apustua egiten dugu, herritarren bizi kalitate baita gure abiapuntua

  1. Turismo Jasangarriaren Gida Plana 2023-2027, Donostia Turismoaren, sektore publiko-pribatuaren eta herritarren arteko lankidetzaren emaitza.
  2. Apustu sendoa egiten dugu turismo garapen jasangarriaren alde (gizarte, ingurumen eta ekonomia jasangarritasuna), kudeaketa turistiko integraletik abiatuta eta interes orokorrari eta guztion onurari erantzungo dien gobernantza parte hartzailea lagun.
  3. Hiriko turismo sektorearekin koordinatuta lan egiten dugu etengabe (tokiko 300 enpresa baino gehiago), hiriaren nortasuna eta balioak babesteko, herritarren bizi kalitatea zaintzeko eta bisitatzen gaituzten pertsonen esperientzia ere zaintzeko.
  4. Sustapen masiboak baztertu egiten ditugu, goi denboralditik kanpo merkatuak eta publiko estrategikoak segmentatuz eta hautatuz, turismoa desestazionalizatzeko asmoz.
  5. Sektorearen eragin ekonomikoa deskontzentratu eta banatzeko, joan-etorririk gutxien duten eremuetan (auzoetan, eskualdeetan) fluxu turistikoak banatzen saiatuz.
  6. Gure hiriaren benetakotasuna eta herritarren bizi kalitatea beste ezeren gainetik. Gure nortasuna, gure kultura eta hizkuntza propioa eta gure tradizioak balioetsi egiten ditugu.
  7. Gure bisitarik gonbidatu nahi ditugu hiria modu jasangarrian, ekologikoan eta errespetuz bizitzera, plan eta ekintza jasangarriak proposatuz: #GreenDonostia.
  8. Enpresa txikien eta tokiko enpresen produktu eta zerbitzu autoktonoak hautatzen ditugu, eta bisitariei geure helmuga turistikoa benetako donostiar gisa esperimentatzeko gonbita egiten diegu.
  9. Espazio publikoaren erabilera kontrolatzen dugu, talde gidatuak txikiak izan daitezen eta kutsadura akustikoa mugatzeko.
  10. Turismo erabilera duten etxebizitzen eta hotelen kopurua mugatu egiten dugu.
  11. Hainbat alderdi arautzen dituzten ordenantzen gaian (ostatuak, aparkalekuak, mugikortasuna, espazio publikoaren erabilera, hiri paisaia, etab.), Udaleko hainbat departamenturekin koordinatuta gaude.
  12. Behatoki Turistikoa sortu dugu turismo sektorea ezagutu eta monitorizatzeko eta turismoaren garapen jasangarriaren aldeko erabaki adimendunak hartu ahal izateko.
  13. Klima aldetik neutroa den hiri baterako trantsizioa sustatzen dugu, mugikortasun jasangarrian oinarrituta eta turismo sektorean ekonomia zirkularraren printzipioak aplikatuta.

 

 

X