Donostiarroi pintxoak gustatzen zaizkigu. Era guztietakoak. Gainera, auzo bakoitzak bere estiloa du eta, momentuaren arabera, batera edo bestera joaten gara. Errealak partidua duenean, Amarara; hondartzan bainua hartzeko gogoa dugunean, Antigua edo Grosera… Ez baduzu argi zein taberna aukeratu, hemen dituzu gehien gustatzen zaizkidan tabernak!
Urumea ibaia jarraituz, kirol-auzora edo Amara auzora iritsiko gara. Realaren Estadioagatik da ezaguna, beraz, futbola gustatzen bazaizu, hau aukera ona da zuretzat. Partiden aurretik edo ondoren, giro ona ederra egoten da.
Antigua auzoak denetarik dauka: Ondarreta hondartza, Haizearen Orrazia, Miramar Jauregia... eta hiriko pintxo goxoenetariko batzuk!
Donostian, zentroa dendaz beteta dago. Bere etorbide zabalek Belle Époque-eko garaietara eramaten gaituzte… Plazera da kale zabal hauetan zehar ibiltzea, erakusleihoak begiratzea eta, nola ez, pintxoak jatea.
Gros auzo gaztea da, modernoa, surf, kontzertu eta terrazen eszenatokia. Grosera pintxoak jatera joaten garenean, oinutsik doazen Zurriolako surflariekin gurutzatzen gara.
Donostiako Parte Zaharra bistatu beharreko tokia da gure historia eta arkitektura maite dutenentzat, eta batik bat, pintxoak dastatu nahi dituztenentzat. Pintxo estilo adina taberna daude bertan.
Urtarrilaren 11ean hasiko da urtero zain egoten garen sagardotegi-garaia
Gabon gauean, Eguberri egunean, Urtezahar gauean eta Urteberri egunean zuetako askok etxetik kanpo afaltzeko edo bazkaltzeko ohitura duzue.
Ez dago gure hiri ederra janariaren bidez ezagutzea baino modu hoberik; hau da, txoko bakoitzaren eta bertako kale eta auzoek eskain diezaguketen guztiaren zaporea hartuta eta dastatuta.
