Blogean idatzi nahi duzu?
Izena eman nahi dut!Ba al duzu kontatzeko ezer interesgarririk…? Hauxe da zure aukera! Gure webguneak urtero 2 milioi bisita baino gehiago izaten ditu eta sare sozialetako gure kanaletan 45.000 jarraitzailetik gora ditugu... Partekatu zure esperientzia eta milioika bisitaritara iritsiko da!
Kategoriak/Gaiak
- Donosti Feeling
- Jan eta edan
- Kultura
- Kirola
- Geurea
- Txangoak
Profil fitxa
Gure kolaboratzaileek profil fitxa bat izango duzue, 4-5 lerroko biografia laburrarekin, eta zuen blog edo sare sozialetara estekarekin (aukerazkoa)
Nola idatzi behar dut posta?
Postak testu- edo bideo-formatua izan dezake.
BIDEO FORMATUKO POSTA
Postak ikuspegi pertsonala jasotzen duen 4-5 lerroko (gutxienez) sarrerako testua eta bideo batera edo gehiagotara (ahal bada, laburrak) estekak izan behar ditu.
TESTU FORMATUKO POSTA
Jarraian, nola idatzi behar duzun azalduko dizugu: tonua, egitura eta baldintzak.
TONUA
Lehen pertsonan idaztea gomendatzen dugu. Hizkerak freskoa, informala, arina, gertukoa… izan behar du.
EGITURA
Izenburua (1-2 lerro).
Horixe da postaren erakargune nagusia: sortzailea izan behar du, arreta erakartzeko modukoa…
Goiburuko irudia
Sarrera/lead-a/teaser-a (1-3 lerro). Bigarren erakargune garrantzitsuena. Kontatu behar duguna labur-labur azalduko dugu, modu erakargarrian eta iradokitzailean, irakurtzen jarraitzeko gogoa sortzeko.
Gorputza
Paragrafo bakoitzeko 1 irudi
Post-ek ez lukete luzeegiak izan beharko. 300 eta 1.000 hitz bitarteko luzeera izatea gomendatzen dugu.
Itxiera
Amaiera / partaidetza edo post-ean iruzkinak egitea bultzatzeko galderak.
BALDINTZAK
Post-ak inoiz ezingo du establezimendu jakin bateko publizitatea izan. Establezimenduak ezagutarazteko eta aipatzeko aukera izango da, baina testuinguru zabalagoan, irakurlearentzako interesgarria den edukiarekin.
Adibidez: ezin dugu denda jakin bati buruzko posta idatzi, baina Donostian erosketak nola egin eta Donostiako merkataritzaren berezitasunak azal ditzakegu… eta, ondoren, saltoki batzuk gomendatzen dituen ibilbidea iradoki dezakegu.
- Post-ak originala izan behar du. Bisitariarentzat interesgarria izan daitekeela uste dugulako beste blog batean argitaratutako post-a partekatu nahi badugu, lehenengo Donostia Turismoarekin egiaztatu beharko dugu. Egokitzat joz gero, egileak jatorrizko testua duen sarrera (gutxienez 15 lerro eta irudi bat) idatzi eta kanpoko post horretara joateko esteka gehitu ahal izango du.
- Donostia Turismoak gramatikari, estiloari eta luzerari dagokienez koherentzia mantendu ahal izateko post-ak editatu ahal izango ditu. Aldaketak izanez gero, argitaratu aurretik, egilearekin batera adostu beharko da.
- Donostia Turismoak argitaratuko dituen post-ak hautatzeko eskubidea izango du erreserbatuta..
Interesatzen zait!
Gure blogeko kolaboratzaile izateko interesa baduzu, formulario hau bete dezakezu: