Jaialdiak

Zinema, antzerkia, musika, beldurra..

Zinema, antzerkia, musika, beldurra… Donostian era guztietako jaialdiak ditugu.
Aukera ezazu zure estiloari ondoen doakiona!

DFERIA ANTZERKI AZOKA

Donostia, benetako antzerkia

dFERIA 2024 festivales

Musikaren, dantzaren, antzerkiaren edo edozein eratako adierazpen artistikoaren zale amorratua bazara…Ez galdu hitzordu hau! Dferiak Donostia arte eszenikoen merkatu handi bihurtzen du antzerki sorkuntzarik berrienak aurkeztuz. Gerturatu eta disfrutatu kalitate handiko ikuskizun berriztatzaile hauetaz!


GIZA ESKUBIDEEN ZINEMALDIA

Solidaritatea zinemaren bidez

cartel festivalDDHH

Urtero, apirilean, Donostiak gizartearekin eta solidaritatea sustatzearekin duen konpromisoa sendotzen du Giza Eskubideen Zinemaldia eginez. Zineman oinarrituta eta erakusketa eta elkarrizketekin osatuta, ekitaldiaren xedea da herritarrak gure gizartean ugariak diren arazo larrien eta errealitateen inguruan sentsibilizatzea.


Dock of The Bay, maiatzaren 2tik 7ra

Musika dokumentalen zinemaldia, hitzaldiak eta kontzertuak barne. 

cartel dock of the bay

Dock of the Bay zinema dokumental musikaleko jaialdia da, hiriko hainbat tokitan proiekzioak, hitzaldiak eta kontzertuak tartekatzen dituena. Benetako luxua musika eta zinema maite dutenentzat.


JAZZALDIA

Jazzaren goxotasuna

JAZZALDIA

IRISGARRIA

Jazzaldiaren irisgarritasunari buruzko informazioa

Uztaileko bigarren hamabostaldian, Donostia jazzaren erritmorik onenean mugitzen da. Musika-arloko izen handiko artistak, besteak beste James Brown, Liza Minelli, Bobby McFerrin, Diana Krall, Cassandra Wilson eta B.B. King, gure hiriko hondartza, antzoki, plaza eta auditorioetara etorri dira nazioartean ospe handian duen jazzaldi honetan entzuleei gozaraztera.


MUSIKA HAMABOSTALDIA

Musika klasikoaren jaialdia

Kursaal-a gauez

San Vicente eliza

Victoria Eugenia Antzoki

MUSIKA HAMABOSTALDIA. MUSIKA KLASIKOAREN JAIALDIA

IRISGARRIA

Hamabostaldiaren irisgarritasunari buruzko informazioa

Abuztuan Donostia tradiziorik handieneko musika klasikoko zikloaren etxe bihurtzen da, Musika Hamabostaldia egiten baita. Kursaal ElkarguneaSanta Maria eta San Bizente elizak, Victoria Eugenia antzokia eta gure hiriko beste hainbat toki izaten dira nazioarteko orkestra sinfoniko eta bakarlari handien agertoki jaialdi honetan. Ia hilabete batez, musikarik onena izaten da Espainiako zaharrena (1939an hasi zuen bere ibilbidea) eta Europako zaharrenetako bat den musika klasikoko jaialdi honetan.


BOGA BOGA FESTIBALA

Donostiako DNA duen musika independente jaialdi berria

boga boga festibala 23

Musika independentearen jaialdi berri hau proposamen original eta donostiar batekin aurkezten da. Hiriko leku enblematikoak agertoki gisa erabiliko dira gorabidean dauden taldeentzat eta nazioarteko artistentzat. Egunez Ondarretako lorategietan doako musikaz gozatu ahal izango da Dabadaba Arena agertokian eta arropa-azoka txiki bat ere egongo da.

Doako proposamen horiez gain, jaialdiaren ideia nagusia musika hiriko hainbat agertokitan zabaltzea da. Horrela, nazioarteko artistekin programazioa egongo da Miramar Jauregian eta Chillida Lekun, eta behin gaua sartuta, musikak hiriko klubetan jarraituko du (Dabadaba, DOKA, Altxerri, Bukowski) egunsentira arte.


DONOSTIAKO NAZIOARTEKO ZINEMALDIA

Zine hiria

DONOSTIAKO NAZIOARTEKO ZINEMALDIA. ZINE HIRIA

DONOSTIAKO NAZIOARTEKO ZINEMALDIA. ZINE HIRIA

IRISGARRIA

Zinemaldiaren irisgarritasunari buruzko informazioa

Ospe handiko izarrak eta zuzendari gazteak. Estatuko nahiz nazioarteko zinemaren panorama osoa etortzen da Donostiara urtero irailean urteko lehiaketarik kosmopolitenean parte hartzeko: Zinemaldian, besteak beste Canneseko Zinemaldiarekin eta Veneziako Mostrarekin batera Europako zinema-gertaerarik garrantzitsuenetako batean, alegia.

Richard Gere

Julia Roberts Donosti saria jasotzen

Dustin Hoffman Donosti saria jasotzen


ARGIARTEAN

Arte luminiko eta zuzeneko musika jaialdia

argiartean festibalak

Argiartean arte luminiko jaialdi sortu berria da eta jendea liluratzeko prest dago bere instalazio ligth-art deigarriekin, bere argi joko monumentalekin (eliza bateko horma zurian proiektatuak gaua eroritakoan) eta bere zuzeneko emanaldiekin.


DONOSSKINO

Donostiako Film Laburren Festibala

donosskino

Donosskino - Donostiako Film Laburren Jaialdiaren zazpigarren edizioa 2023ko urriaren 11tik 14ra egingo da, Antzoki Zaharrean.


FANTASIAZKO ETA BELDURREZKO ZINEMAREN ASTEA

Halloween kulturalena

Loquillo, 2009ko protagonista

Alaska, 2005ko protagonista

Mario Vaquerizo, 2012ko protagonista

Urriaren amaieratik azaroaren hasierara bitartean, Donostiako antzoki eta kaleak beldurrezko film baten bat-bateko agertoki bihurtzen dira, Fantasiazko eta Beldurrezko Zinemaren Asteari harrera egiteko. Zikloan, kontzertuak eta erakusketak ere izaten dira, zinema-eskaintzaren osagarri.



Literaktum

Letren jaialdia

cartel literaktum horizontal

Literaktum literatura-jaialdia dela eta, Donostia bi astez "hitzen hiria" izango da. Urtero, letren jaialdi honek estatuko eta nazioarteko idazle garrantzitsuak jartzen ditu Donostiako publikoarengandik hurbil. Literatura-mota guztiak sartzen dira ekimen honetan: narratiba, olertia, saiakera, antzertia, kazetaritza, performanceak, musika, zinema, ilustrazioa, gastronomia, komikiak...

Edizio bakoitzean, programatutako jarduera guztien (hitzaldiak, aurkezpenak, erakusketak, tailerrak, proiekzioak...) ardatz izango den gai baten alde egiten da. Aurten, Literaktum jaialdiaren edizioak "Maitasunaren geografiak" du izenburu.

Informazio gehiago

Donostiako informazio kulturala guztia Donostia Kultura webgunean aurkitu dezakezu.



X