Martxoaren 8an Donostia morez tindatuko da

Emakumearen Nazioarteko Eguna ospatzen da martxoaren 8an, Nazio Batuen Batzar Nagusiak 1975ean horrela erabaki zuenetik. Emakumeen eskubideen berdintasunaren alde eta gizartean pertsona gisa dugun garapenerako eta partehartzerako eskubideen alde egiten duen borroka oroitzen du egunak.

Aldarrikapenerako, festarako eta ikusgarritasunarako egun aproposa, urteko gainontzeko 364 egunak bezalaxe.

IvanCastilloOtero postArgazkia: Iván Castillo Otero

Emakumeak edonon!

"Emakumeak edonon" leloa aukeratu du aurten Udalak, emakumeek historiari eta hiriari egiten dioten ekarpena ikustarazteko. Gaur egun ere, kopuruz emakumeak gizonak baino gehiago izan arren, Donostiako emakumeek benetako berdintasuna galarazten duten kristalezko hesi eta sabaiekin topo egiten dute. Hortaz, parekidetasunerako bidea oztopatzen duten traba horiekin guztiekin amaitzea posible izango da baldin eta Donostiako emakumeen ekarpenak gure historian eta eremu publikoan onartzen baditugu.

Hemen ikusi ahal izango duzu Udalak emakumearen egunari buruz prestatutako egitarau osoa:

 Martxoak 8 Kartela 2024 web

Emakumeen Hiria ibilbidea

Zenbat dakigu Donostiako historiaren emakumeez? Belle Époque garaiko María Cristina eta Victoria Eugenia erreginez gain, zeintzuk ezagutzen ditugu? zer dakigu haiei buruz? Donostiako historia ulertzeko funtsezkoa da oharkabean pasa diren emakumeen bizimodua, lorpenak eta lanbideak ezagutzea, eta horiek guztiak ikusgarri egitea. Ibilbide honetan hainbat emakumek utzitako legatuaren arrastoari jarraituko diogu.

ilustracion tabakalera

"Emakumeak zientzian" ekimena

Ekimen honen helburu nagusia emakumeek zientzian duten jarduera ikusaraztea eta estereotipoak haustea da, neska eta nerabe gehiagok ikasketa zientifikoak egin ditzaten.

Ekitaldi honen harira, hainbat jarduera antolatzen dira, besteak beste, jardunaldiak eta prestakuntza-saioak. Emakume zientzilarek beren lana eta esperientzia erakusten dute etorkizunean zientzian jardun nahi duten neskei.

emakumeak zientzian Argazkia:Emakumeak Zientzian

Donostiako emakumeen Etxea

Emakumeen Etxea Donostiako erdigunean dagoen emakumeen topagunea eta gogoetarako gunea da. Urte osoan antolatzen dira jarduerak.

donostiako emakumeen etxeaIlustrazioak: Emakumeen Etxea, Okendo Kalea, 9

Lilatoia

Milaka emakumek parte hartu zuten joan den igandean, martxoaren 3an, Lilatoian, Club Atlético San Sebastianek antolatutako emakumezkoen lasterketa ezagunean. Lasterketa honek berdintasuna aldarrikatzen du, eta emakume guztiok batzen gaitu kirol-ekitaldi batean, jaiarekin batera. Inoiz hurbildu ez bazara, hurrengoan parte hartzera animatzen zaitugu, korrika egin ala ez, giro ona ziurtatuta dago!

lilatoia1Argazkia: Lilatoia 2019

X