Heldu da Donostiako Fantasiazko eta Beldurrezko Zinemaren Astea: ausartuko al zara beldurrez gozatzen?
- Kultura
- 2021 Urr 26
Urriaren 29tik azaroaren 5era bitarte, Donostiako antzokiak beldurrezko film baten agertoki inprobisatu bihurtuko dira Fantasiazko eta Beldurrezko Zinemaren Astearen 32. edizioa hartzeko!
Donostia Jaialdien hiri nagusia da, eta bizi dugun egoera berezia gorabehera, aurten ere izango dugu generoaren barruan egin diren urteko filmik onenez gozatzeko aukera, baita fantasia eta beldurrari lotutako erakusketez ere, betiere segurtasun eta higiene neurririk zorrotzenekin.
Fotos: Semana de cine fantástico y de terror
Egin nahi al duzu zure sarreren erreserba? Fantasiazko eta Beldurrezko Zinemaren Asteari buruzko informazio guztia ikus dezakezu hemen!
Donostiakoa zarela nahiz bisitan zatozela, ziurtatzen dizugu urriaren 29tik azaroaren 5era...beldurrez gozatuko duzula!
Fantasiazko eta Beldurrezko Zinemaren Astearen esparruan, halaber, hainbat erakusketa eta ekintza ugari izango ditugu ikusgai:
Halloween ala egunsenti eder bat?
Halloween gau ospetsua indar handiagoa hartzen ari zen urtez urte gure hirian, aurten baliteke jairen bat egitea urriaren 31ko gauean; baina gure ustez, Zinemaren Asteko emanaldi sorta bat ikusi ondoren egin dezakezun gauzarik onena atseden hartzea eta Donostiako udazkeneko egunsenti ikusgarri batez gozatzea da. Izan ere, Asteko filmak ez dira aho zabalik utziko zaituzten bakarrak!
Gogoan izan Fantasiazko eta Beldurrezko Zinemaren Astea ez ezik, aurtengo udazkenaz gozatzeko beste plan asko proposatzen dizkizugula. Hona hemen gure top15a!
