Museoen Nazioarteko Eguna Donostian
- Kultura
- 2023 Mai 05
Ate irekien jardunaldia eta beste ekintza gehiago, “Museoak, iraunkortasuna eta ongizatea” lelopean Museoen Nazioarteko Eguna ospatzeko.
Maiatzaren 18an (osteguna) Museoen Nazioarteko eguna da. Donostiako museoek jarduera desberdinak prestatu dituzte egun hau ospatzeko. Animatu eta hurbildu zaitez Donostiako museoetara!
San Telmo Museoa
Ospakizunarekin batera, maiatzaren 18, 20 eta 21ean museorako sarrera doakoa izango da egun osoan zehar. Gainera, egun horretan, erakusketa iraunkorraz gain, egun hauetan "Zatoz zugana" bisita gidatua euskaraz (12:00) eta gaztelaniaz (17:00) egiteko aukera eskainiko da. Zatoz zugana museoa ezagutzeko ibilbidea da. Bisitak doakoak dira, baina aldez aurretik erreserba egin behar da.
Halaber, museoaz beste era batera gozatzeko aukera emanez, San Telmo museoak programazio berezia eskainiko du maiatzaren 18tik 21ra: Musika, bisita bereziak eta dantza saioak izango ditugu bertan.
Eureka! Zientzia Museoa
Maiatzaren 18an bisitari guztiek doan sartu ahal izango dute museora. Gainera, planetario-saioz betetako jarduera astronomikoen programa berezia eskainiko dute Planetarium digitalean. Bertan, naturak eskaintzen digun ikuskizunik ederrenetako batez gozatuko dugu, hala nola, zeru izartsua ikusteaz, eta Donostiatik ilundu ondoren ikus daitezkeen izar, konstelazio eta planeta nagusiak erakutsiko dizkiote ikusleari.
Museoen boterea, Eureka!-tik indartsu erakutsi nahi izan du museoen funtsezko balioa etorkizun hobea eta iraunkorragoa eraikitzeko.
Sarrera doakoa da, baina Planteriorako tokia erreserbatu behar da, plazak mugatuak baitira. Zuzeneko saioak planetariumean (30 min): 17:15 euskaraz eta 18:00 gaztelaniaz
Euskal Itsas Museoa
Aurten, ekintza ugari proposatuko dituzte Euskal Itsas Museoatik Museoen Nazioarteko Eguna ospatzeko. Jardueren artean, "Moilak" aldi baterako erakusketari lotutako doako bisita gidatua eskaintzen da.
Gainera, maiatzaren 20an Euskal Itsas Museoak zurezko fototransfer tailerra antolatu du "Ondareari begira" aldi baterako erakusketarekin lotura duena.
Jarduera guztien aurretiko izen-ematea nahitaezkoa izango da eta Museoaren web orriaren bidez edo 943430051 telefonora deituz egingo da.
- Informazio gehiago eta bisita gidaturako izen-ematea (maiatzak 18)
- Informazio gehiago eta tailerrean izena-ematea (maiatzaren 20an)
Cristobal Balenciaga Museoa (Getaria)
Maiatzaren 18an, Cristóbal Balenciaga Museoak "Izaera eta Balenciaga etxearen marrazkiak (1943-1964)" erakusketetara doan sartzera gonbidatzen gaitu.
Gainera, hilaren 20an eta 21ean museoan jarduera bereziak egiteko aukera eskaintzen du:
Modaz inguratuta yoga saio bat egin nahi duzu? Hilaren 20an, 10:00etatik 11:00etara, doako yoga klasea jaso ahal izango duzu Balentziaga Museoan. Adi! Aldez aurretik erreserba egin behar da. Beste diziplina mota bat praktikatzea nahiago baduzu, hilaren 20an eta 21ean, 10: 00etatik 14: 00etara, inprimaketa botanikari buruzko tailer bat egiteko aukera ere ematen da. Museoko bisitarientzat irekitako tailer honetan, estanpazio eta tindaketa botanikoko teknikak erabiltzea proposatzen da; horiei esker, inspirazio naturaleko ehun-diseinuak egin daitezke hosto, lore, azal eta/edo zurtoinak erabiliz.
Sagardoetxea (Astigarraga)
Maiatzaren 18an museoko sarrera doakoa izango da. Museoen Nazioarteko Eguna ospatzeko, Sagardoetxeak “Gure ondarea ezagutuz” bisita berezia eskainiko du Gordailuko pieza batzuekin.
Bisitak euskaraz, gaztelaniaz, ingelesez eta frantsesez izango dira maiatzaren 18an, 11:00etatik 13:30era eta 16:00etatik 19:30era.
Bisita doakoa bada ere, aldez aurretik izena ematea derrigorrezkoa izango da eta 943550575 telefonora deituz edo info@sagardoetxea.eus helbidera idatziz egingo da.
Chillida Leku
Museoen nazioarteko eguna dela eta, Chillida Lekuk % 50eko deskontua eskainiko du museoko sarreran eta % 50eko deskontua sarreran + bisita gidatuan. Animatzen?