Maratoian korrika egitea, nesken kontua ere bada!
- Kirola
- 2025 Urr 28
2025 hemen da, helburu handiak eta zapatilak prest dituen urtea. Aurten, Behobia - San Sebastin (azaroaren 9an) eta Zurich Donostia Maratoia (azaroaren 23an) lasterketek Donostia nazioarteko runningaren mapan jarri dute berriro, eta, gainera, hitzordu historiko bihur daitezke.
Izan ere, 2025 50/50/25 erronkaren urtea da: Behobia - San Sebastián eta Zurich Donostia Maratoiaren arteko helburu bateratua, parte-hartzean parekotasuna lortzeko. 50 emakume eta 50 gizon korrika, hain gureak diren bi proba hauetan. Oso gertu gaude, eta gogo biziz jarraitzen dugu aurrera hori lortzeko.
Urte hau berezia da eta erronkaren bultzada oso erreala. Gure sareetan urte honen berezitasuna bizitzen ari gara, Behobiara bidean euren prestakuntza partekatzen ari diren korrikalariekin:
- Izaskun San Aniceto: urrats bakoitza gogo handiz bizitzen du eta entrenamenduetan motibazio handia erakusten du.
Entrenamendu 1 | Entrenamendu 2 - Amaia Mutilva: konstantzia, ahalegina eta umore ona, dena entrenatzen dela erakusteko.
Entrenamendu 1 | Entrenamendu 2 - Maite Maiora: trailaren erreferente bat, oraingoan asfaltoaren gainetik hegan egiten duena.
Entrenamendu
Haien istorioek eta adibideek beste emakume asko animatzen dituzte zapatilak janztera eta runninga deskubritzera, gozamenetik, erronka pertsonaletik eta komunitatetik abiatuta.
Berdintasunerantz korrika, atzerako kontaketa martxan
Korrikalariek argi dute: ikusgarritasunak balio du, inspiratzen du eta emakume gehiagok bat egin dezaten bultzatzen du. Izan ere, korrika egitea osasuna da, deskonexioa da, garapen pertsonala ere bai. Eta betidanik izan duten espazio bat ere bada.
Hilabete gutxi batzuk falta dira bi hitzordu handi hauek bizitzeko eta kirolak berdintasunezko istorioak idazteko gai dela berriro erakusteko. Helmuga gertu dago eta motibazioa inoiz baino sendoagoa da. Urratsez urrats, denon artean, amets hau eraikitzen jarraitzen dugu.
Irteera lerroa zain daukagu. Abenturarekin bat egingo duzu? Goazen neskak!
