Hastera doa zaldi-lasterketen 103. denboraldia... eta Belle Époque garaiko jantziak jantziko ditugu!

marta-pastor-eu
Marta Pastor Komunikazio- eta marketin-arduraduna

Nork esango zion Alfontso XIII.ari, hipodromoa inauguratu eta handik 103 urtera “herria” Belle Époque garaiko jantziekin jantziko zela garai hura gogora ekartzeko?

Izan ere, harrezkero ur asko igaro da zubi azpitik... Ekar dezagun historia gogora: Donostiako Hipodromoa 1916an eraiki zuten, Europa Mundu Gerran bete-betean zegoela, eta jakina, aristokraziari itsusiegia iruditzen zitzaion haien zaldiak Frantzian lasterketetan korrika ibiltzea herrialdea gorpuz betetzen ari zen bitartean, eta hala, esaerak dioen moduan, begi itsuak, negarrik ez, eta eremu neutralean zegoen Donostiara etorri ziren eta hiru hilabete eskasean, hipodromoa abian jarri zuten, udako oporretan ondo pasatzeko.

gran-premio-inauguracion 02

gran-premio-inauguracion 01

Alfontso XIII.a izan zen bere zaldi odolgarbiak hartu eta hona etorritako lehena. Urte askoan aritu zen erregearen lasterketetan korrika eta oso emaitzak onak lortu zituen gainera, baina garai hartako prentsaren arabera, ez zuen beti garbi jokatzen. Baina erregea errege zen.

gran-premio-inauguracion 06

gran-premio-inauguracion 07

Hala, igaro dira 100 urte eta orain, hipodromoak, inaugurazio handiki hura gogora ekarri nahi du Belle Époque garaiko jantziak jantzita. Horretarako, Kresalaren berrogeita hamar bazkideak Artzain eta Inudeen konpartsan ateratzen dituzten jantziei hautsak kentzen ari dira uztaileko lehen lasterketarako. Dotore, apain eta dibertigarri jantziko dira, okasioak eskatzen duen bezalaxe. Eta hala nahi duten guztiak ere, egun batez, garai bateko jantziak janztera gonbidatu nahi dituzte. Jantzi dezatela pamela edo gondolari-txano bat eta joan daitezela Hipodromora goiza zaldi-lasterketak ikusiz igarotzera, gure aurrekoek duela 100 urte egin zuten bezala.

gran-premio-inauguracion 03

gran-premio-inauguracion 04

gran-premio-inauguracion 05

Uztailaren 7an, igandea, da hitzordua, goizeko 11etatik aurrera.

Hemen duzu zaldi-lasterketen egutegia: http://www.hipodromoa.com/

X