Hemen da dFERIA, Antzerkia eta Dantza maite dutenentzako jaialdia
- Kultura
- 2024 Mar 08
Martxoaren 11tik 14ra dFERIA, Ezin duzu huts egin!
dFERIA arte eszenikoen sektorearen topaleku nagusi bihurtzen da lau egunetan, eragileen arteko hartu-emanak sustatuz eta sektorearen beraren garapena erraztuz.
Feriaren programazioa askotarikoa da, kalitatezkoa, eta berriki estreinaturiko ikuskizun berritzaileak aurkeztea du lehentasun. Donostiaren bereizgarria da aretoko antzerki eta dantza programazio zaindua aurkeztea.
dFERIA antzerki- eta dantza-feria ezinbesteko hitzordua da Arte Eszenikoen sektorearentzat, dagoeneko ondo sendotuta baitago arlo horretako elkargunerik garrantzitsuenen artean. Donostian egiten den feria honek bere programazioaren eta produkzioaren kalitateari esker nabarmentzea lortu du.
Arte eszenikoen merkatua dinamizatzen laguntzea da dFERIAren helburu nagusia, arlo horretako eragileak harremanetan jarriz eta sortzen diren azken antzerki-lanak aurkeztuz, betiere arreta berezia jarriz euskal konpainiei bultzada ematean. Bestalde, feriak jai-izaera ere badu. Hain zuzen ere, arte eszenikoen jai handia da, udan Donostian protagonista izaten diren zinema- eta musika-jaialdi ospetsuak osatzen dituena, eta arte eszenikoen sekotreko elkargune nagusia izaten da bost egunez.
Aurten 25 ikuskizunez gozatu ahal izango dugu (34 emanalditan) Utopia leit motiv duen edizio batean.
dFERIA 2024k Italia izango du gonbidatu, Italiako Istituto di Culturarekin lankidetzan. Inaugurazioa Centro Coreografico Nazionale/Aterballettok egingo du eta hiru dantza pieza aurkeztuko ditu: "Yeled", "Shoot Me" eta "Rhapsody In Blue". Amaiera ekitaldia Compagnia blucinQue taldeak egingo du "Gelsomina Dreams" ikuskizunarekin. Nabarmentzekoa da ikuskizunen ehuneko handi bat ( % 60) lehen aldiz aurkeztuko dela dFERIAn. Halaber, egitarauaren % 44 dantza izango da, % 52 antzerkia, eta zirku ikuskizun bat ere izango da.
Nazioarteko konpainien jatorriari dagokionez, aurten, Italiako ordezkariez gain, Kubatik edo Argentinatik etorritako ikuskizunek hartuko dute parte.
Arte eta kultur plan gehiago
Kultura maite dutenentzat eskaintza zabala eskaintzen du Donostiak. Hiria ez da gelditzen eta zuk ere ez duzu zertan gelditu.
