Amaitu urria Donostian une ikaragarria biziz
- Kultura
- 2019 Urr 26
Laster amaituko da urria eta negua gero eta gertuago dagoela dirudi. Gainera, hori gutxi balitz, igandean, hilaren 27an, ordua aldaraziko digute…
Lur jota geratuko gara! Baina eutsi goiari! Izan ere, azaroaren 1a ere gerturatzen ari da eta zuetako askok egun solte batzuk jai hartzeko aprobetxatuko duzue (edo, zenbaitek baita aste osoa ere).
Donostiarra izanda edo bisitari gisa etorrita… urriaren 26tik azaroaren 1era arte bizipen izugarriak izateko aukera izango duzu!
Argazkiak: Fantasiazko eta Beldurrezko Zinemaren Astea
Izan ere, orduan izango da Fantasiazko eta Beldurrezko Zinemaren Astea. Ezin duzu jaialdi hori galdu; filmen aurretik eta filmak eskaintzen diren bitarteko giroa bikaina izaten da… ez dakit nola azaldu ere… bizitzan gutxienez behin bizi beharrekoa da!
Argazkiak: Fantasiazko eta Beldurrezko Zinemaren Astea
Filmez gain, egun horietan erakusketak, fanzineen gerra, errealitate birtualaren erakustaldia eta askoz ekintza gehiago izango dira ere.
Argazkia: Fantasiazko eta Beldurrezko Zinemaren Astea
Argazkiak: Semana de cine fantástico y de terror
Film baten eta hurrengoaren eta erakusketa baten eta hurrengoaren artean, udazkeneko koloreekin apainduta dagoen ibai ertzean paseotxo bat egiten duzuen bitartean, Belle Epoque garaiko jauregitxo ederrak ikusiz gozatzen duzun bitartean, jolas bat proposatu nahi dizuet. Ea topatzen duzuen kalabazekin apaindutako eskailera polita (argazkian iazkoak ikus daitezke).
Argazkia: Sisters and the City
Parranda gogoa badezue hurbildu zaitzete Gu-ra edo Dabadabara urriaren 31ean Halloween gau berezia prestatu baitute bertan! Eta Halloween gauean gaupasa egiten baduzue edo oso goiztiarrak bazarete, egunotan gozatu ahal izango duzuen ikuskizunik ederrena (Fantasiazko eta Beldurrezko Zinemaren Astearen ondoren) eguzkia nola ateratzen den ikustea izango da; udazkeneko egunsentiek aho zabalik utziko zaituzte.
Oraindik indarrak geratzen bazaizkizue... larunbaterako (azaroak 2) proposamena ere badugu! Oh My Walk!-ek bisita gidatu berezia prestatu baitu Polloeko hilerrian zehar. "Arimen eguna", gure ohitura eta hileta-tradizioak ezagutzeko gaueko ibilaldia.
