Sagardo egunak!
- Geurea
- 2022 Mai 10
Txotx denboraldia amaitu da eta “Sagardo Egunak” datoz. Sagardo denboraldia amaitzean, sagardoa botilaratu egiten da eta Gipuzkoako eta inguruko hainbat herritan Sagardo Egunak ospatzen hasten dira.
Argazkia: Bidasoako Hitza
Beraz, gure sagardo tradizioarekin jarraitu nahi baduzue... denboraz zabiltzate!!!! Udaberriak sagardo berria aire zabalean dastatzera garamatza. Plan ezin hobea!
Argazkia:Sagardoaren Lurraldea
Lehen Sagardo Eguna Oreretakoa izaten da. Aurten, apirilaren 30an izan da eta hortik aurrera, astebururo edo bi asteburuan behin izango da zerbait Gipuzkoako herriren batean.
Probatzea gomendatzen dizut. Beti izaten da giro ona, euskal musika tradizionala, pintxoak eta noski, sagardoa!
Prezioa egokia izaten da! 6 eurorekin sagardotarako edalontzia, koadrodun lepoko-zapia, pintxoa eta sagardotarako 10 bat ticket ematen dizkizute. Herriaren arabera aldatzen da… Baina irudikatzen duzu, ezta? Ekoizle guztiei ekarri duten sagardoa amaitzean amaitzen da Sagardo Eguna ere.
2022ko daten zerrenda doakizu hemen, bat bera ere huts egin ez dezazun (*letra lodiz idatziak daudenak konfirmatuak daude). Ziur naiz bateren bat ahaztu dudala, baina gogoratu ahala zerrenda eguneratuko dut, bestela lagundu gogratzen, Mese!:
- apirilak 30: Errenteria
- maiatzak 7: Irún
- maiatzak 22: Usurbil
- maiatzak 28: Oiartzun
- ekainak 4: Pasaia
- ekainak 11: Lezo
- uztailak 23: Aizarnazabal
- uztailak 26: Astigarraga
- Irailak 3: Donostia
* Kontsultatu datak Sagardo route-ko agendan